SEPTEMBER NE MARA TADKA TOH ARTICLE BHATKA

.

.

August hui close,
Or ab September ka bojh.
Jhatt se sabhi banao ab Audit Report.

Kitne saare clients,
Files lekr aae Koi idhar,
koi udhar Sabse kaam karwae.

Naa padhai ki tension
Or tuitions bhi ho gyi miss.
September ne laya hai
Ek bada sa twist.

Balance sheet nai hui hai balance
Par aankhon me lag gya ab lens.
Un bhai saab ko dekho zara
Unse sambhal bhi nahi rahi ek pen.

C.A. sahaab chilla rahe hai
Articles par sholey barsa rahe hai
Clients ki zubaan ladkhada rahe hai
Kon bachae inhe ab boss se
Ye khayal sabke mann me aa rahe hai.

Na expenses ka thikana,
Na hai dhang ke vouchers.
Jaise taise profit adjust karwa rahe hai
Saturday toh saturday
Ab sunday ko bhi office ka shutter utha rahe hai.

First week me hai ye haal
September ke baaki dino me jhadd jaenge saare baal
Har waqt sirf kaam kaam or kaam
Nahi naseeb hota hame do pal ka bhi aaraam

Ek par ek hum returns file kiye jaa rahe hai
Reckoner padh padh ke client ki watt lagae jaa rahe hai
Fir bhi in naazuk kandhon par hai itna bojh
Jise hum din-b-din uthae jaa rahe hai.

Woh dekho darwaze par, ek or client aa raha.
Hame toh pata hi nahi chala kab baj gye baarah
Fir bhi depreciation sheet banae jaa rahe hai
Income tax or company law me difference batae jaa rahe hai.

Yaa aaegi deferred tax liability yaa asset
Koi farq nahi padta agar ho gayi sunset.
Sabhi par chaya hai september ka prakop
Clients or boss ko hai ab sirf humse hope.

Iss september ne ache achon ko rula daala
Kaise kaise clients se pad gya hamara paala
Bhul gye ki hum hai bus ek article
Yahi office ban gyi hamari dunia or life ek riddle.

Bhaad main gye saare morning tuitions
Abhi to hai sirf kaam ke prati dedication
Ek na ek din hoga iss bhayankar September ka annt
Us din hame kholna hoga apne kitaabon ka granth.

Jis din se september aaya
Boss ne hamare dimaag se leave ka bhoot bhagaya
Zubaan par kaam ka naam chadhaya
Hame daant daant kar kaam sikhaya.

September hai ek kaali raat
Baaki mahino ki to choro baat
Abhi hai september, sirf september
Mat karna tum ek bhi blunder.

Ab nahi jaaga to kab jaaga
Nahi aaega ye waqt agar ek baar bhaaga
Mat krna ek din bhi naaga (leave)
Bhul jao september me candy crush saga.

Haanth jodo or jhukao mastak

September ne jabse diya hai dastak

Karne honge kayi saare kaam

Ab rehne bhi do is mahine aaram.

.

Written By: SOURAV BAGARIA